کارەبای گەرمیان رایدەگەیەنێت کە بەشە کارەبای گەرمیان لە ٪٤.٧ـە، کە نزیکەی ١٣٠ مێگاوات دەکات لە کاتێکدا بەپێی بەرهەمهێنان و وەرزەکان ئەو رێژەیە دەگۆڕێت.

حازم کەریم، بەڕێوبەری گشتی کارەبای گەرمیان بۆ رادیۆی دەنگ وتی: بەشە کارەبای گەرمیان بەکۆی گشتی ٪٤.٧ـە، کە بەکۆی شتی ١٢٠ بۆ ١٣٠ مێگاوات دەکات.

دەشڵێت: ئەو رێژە کارەبایە بەپێی بڕی بەرهەمهێنان و وەرزەکان گۆڕانکاری بەسەردا دێت، بەجۆرێک جاری وا هەبوە ٪٣.٨ کارەبامان پێدراوە کە دەکاتە ٩٠ مێگاوات، لە کاتێکدا خواستی ناوچەکە لە هاویندا دەگاتە ٢٠٠ مێگاوات.

لەبارەی ئەوەی لەسەر چ پێوەرێک بەشە

کارەبای گەرمیان دیاریکراوە، حازم کەریم، هێمای بۆ ئەوەشکرد: پێش پرۆژەی روناکی هەر ناوچەیەک و ٤٨ کاتژمێر کارەبای پێدرا بۆ ئەوەی بزانرێت چەن مێگاوات خەرج دەکات، گەرمیانیش وەک ناوچەکانی تری کوردستان ئەو بەشەی بۆ جێگیرا کرا لەسەر ئەو پێوەرە کە ٪٤.٧ە.