رادیۆی دەنگ

بەڕێوبەرایەتی گەشتوگوزاری گەرمیان جەخت لەوەدەکاتەوە، بەهۆی هاتنی گەشتیارەوە بۆ سنورەکە، ئۆتێل و مۆتێلەکان بوژاونەتەوە.

هێرش فەیزوڵڵا، بەڕێوبەری گشتی گەشتوگوزاری گەرمیان، بۆ رادیۆی دەنگ باسی لەوەکرد: ٥ ئوتێل و موتێل و ئوتێلی میللی لە قەزای کەلار بونیان هەیە.

دەشڵێت: بەپێی لیژنەکانمان کە سەردان دەکەن، هاتنی گەشتیار بۆ ناوچەکە روی لە زیادبون کردوە، ئەمەش وایکردوە رێژەی مانەوە لە ئوتێلەکاندا زیاتر بێت.

وتیشی: لە چاو پێشتردا دۆخی ئوتێلەکان بوژاونەتەوە و رۆژانە گەشتیار تێیدا دەمێنێتەوە، لەگەڵ ئەوەشدا تاوەکو ئێستا کەسێک نەهاتوە بڵێت ئوتێل بەردەست نییە و خزمەتگوزارییەکانیان خراپن.

جەختیشیکردەوە کە لیژنەکانیان بەدواداچون دەکەن بۆ سەرجەم شوێنە گەشتیارییەکان لەنێویشیدا ئۆتێل و مۆتێلەکان.