رادیۆی دەنگ

له‌ ئه‌مرۆوه‌ سیسته‌مى زانكۆلاین بۆ وه‌رگرتنى خوێندكارانى ده‌رچوى پۆلى ۱۲ـى ئاماده‌ى كارابوه‌و تاوه‌كو هه‌فته‌یه‌ك به‌رده‌وام ده‌بێت، به‌شى تۆمارى زانۆكى گه‌رمیانیش ده‌ڵێت: ۲ سه‌نته‌رى راوێژكاریمان هه‌یه‌ بۆ رێنمایكردنى خوێندكار.

د.یاسین ئاشور، به‌ڕێوبه‌رى به‌ڕێوبه‌رایه‌تى تۆمارى گشتى سه‌رۆكایه‌تى زانكۆى گه‌رمیان بۆ رادیۆى ده‌نگ باسى له‌وه‌كرد: له‌ ئێستادا سیسته‌مه‌كه‌ كارا بوه‌ و به‌پێى ئه‌وه‌ى بڕیاره‌ تاوه‌كو ماوه‌ى هه‌فته‌یه‌ك به‌رده‌وام ده‌بێت.

ده‌شڵێت: ئاماده‌كارى ته‌واومان كردوه‌ بۆ یاره‌مه‌تیدانى خوێندكاران، به‌جۆرێك ۲ سه‌نته‌رى راوێژكارى و پڕكردنه‌وه‌ى فۆرمى زانكۆلاینمان هه‌یه‌ دانه‌یه‌كیان له‌ نێو بیناى سه‌رۆكایه‌تى زانكۆى گه‌رمیانه‌ له‌ به‌شى تۆمار، ئه‌وى دیكه‌ش له‌ قه‌زاى خانه‌قینه‌ له‌ ناو بیناى كۆلێژى زمان و زانستە مرۆڤایه‌تیه‌كانه‌.