دوای ئەوەی چالاکوانێک رایگەیاند کە کارگەکانی چەو و لم لەسەر روباری سیروان کاردەکەن، بەڕێوبەرایەتی نەوت و کانزاکانی گەرمیان لەرونکردنەوەیەکدا دەڵێت: ئەو کارگانەی لەئێستادا کاردەکەن لەسەر روبارەکە مۆڵەتی فەرمیان هەیە.

بەڕێوبەرایەتی نەوت و کانزاکانی گەرمیان لەرونکردنەوەیەکدا کە بۆ رادیۆی دەنگی ناردوە دەڵێت: ئەو کارگانەی کە لەئێستادا کاردەکەن لەسەر روباری سیروان مۆڵەتی فەرمیان هەیە.

دەشڵێت: ئەو کارگانە شتێک ناکەن ژینگەی روبارەکە خراپ بکەن، چونکە سنورێکیان بۆ دیاری کراوە و نابێت لەو سنورە دەربچن.

جەختیش دەکاتەوە هەرکات شتێکیان کرد لەدەرەوەی یاسا یان پێشێلی ئەو سنورەیان کرد کە بۆیان دیاری کراوە بێگومان لێپێچینەوەی یاساییان لەگەڵدا دەکرێت.

رونکردنەوەی بەڕێوبەرایەتی نەوت و کانزاکانی گەرمیان دوای ئەوە هات کە چالاکوانێکی بواری ژینگە ئەم ڤیدیۆیەی بڵاوکردوەتەوە و رایگەیاند کە ئەمە ئەنفالکردنی ژینگەی روباری سیروانەو کارگەکانی چەوولم لەنێوان گوندی تازەدێ بۆ بەرلوت کاردەکەن و ژینگەی روبارەکە تێکدەدەن.