رادیۆی دەنگ

بەڕێوبەرایەتی پەروەردەی گەرمیان ئاشکرای دەکات خێزانەکان دەتوانن جلی قوتابخانە بۆ مناڵەکانیان ئامادەبکەن، بەمەرجێک هەمان رەنگ و کۆد بێت کە قوتابخانەکە دیارییکردوە.

ئەرسەلان پەرۆش، بەرپرسی راگەیاندنی بەڕێوبەرایەتی گشتی پەروەردەی گەرمیان، بۆ رادیۆی دەنگ دەڵێت: جلوبەرگی قوتابخانە حکومییەکان وەزارەت دەستنیشانی کردوە و خێزانەکان بەپێی ئەوە دەتوانن جلی مناڵەکانیان بکڕن.

رونیشیکردەوە: بۆ قوتابخانە ئەهلییەکانیش ئەوا خۆیان دیاریی دەکەن، بەجۆرێک هەر قوتابخانە و بۆ رەنگی جلەکانیان کۆدی تایبەت بە خۆیان هەیە.

باسی لەوەشکرد: خێزانەکان خۆیان دەتوانن جلوبەرگ بۆ مناڵەکانیان بکەن، بەمەرجێک هەمان کۆدی قوماشی قوتابخانەکە بێت لەگەڵ هەمان ستایڵ، هاوکات لۆگۆی وەزارەتی پەروەردەشی لەسەربێت وەک هەمان لۆگۆی قوتابخانەکە.