رادیۆی دەنگ

دواى ئەوەی ئه‌نجومه‌نى وه‌زیران بڕیاریدا به‌ داشكاندنی قەرزی پێشوی کارەبای نیشتمانی بەڕێژەی ٥٠٪، بەڕێوبەرایەتی كاره‌باى گه‌رمیان ئاشکرای دەکات بە دەستیی ئەو پارەیە وەرناگرن و بە ئۆنلاین دەبێت.

ئالان ئه‌ركان، وته‌بێژى به‌ڕێوبه‌رایه‌تى گشتى كاره‌باى گه‌رمیان، بۆ رادیۆى ده‌نگ باسى له‌وه‌كرد: ئه‌نجومه‌نى وه‌زیران كه‌ بڕیاریدا به‌ داشكاندنى له‌ ٥٠٪ـی قه‌رزى كاره‌با، پێویسته‌ هاوڵاتیان قه‌رزه‌كه‌یان له‌ رێگه‌ى پرۆژه‌ى "ئی- پسوله‌"وه‌ بێت، ئه‌گه‌رنا به‌شێوه‌ى راسته‌وخۆ پاره‌ به‌ ده‌ستیی وه‌رناگیرێت.

هێماى بۆ ئه‌وه‌شكرد: هاوڵاتیان ده‌توانن به‌شدارىی پرۆژى "ئی پسوله"‌ بكه‌ن و له‌ رێگه‌ى بانكه‌كانى FIB و ئاسیا په‌ى و فاست په‌ى و ئه‌و هاوڵاتیانه‌ى كه‌ پرۆژه‌ى هه‌ژمارى منیان هه‌یه‌ و كارتى بانكییان هه‌یه‌ ده‌توانن قه‌رزه‌كانیان بده‌نه‌وه‌ و سودمه‌ندبن له‌م داشكاندنه‌.