رادیۆی دەنگ

بەشێک لە قوتابخانەکانی گەرمیان پێویستیان بە نۆژەنکردنەوە هەیە، پەروەردەی گەرمیانیش ئاشکرای دەکات ژمارەیان ١٢٥ قوتابخانەیە و دابەشبون بەسەر ٣ جۆردا.

ئەرسەلان پەرۆش، بەرپرسی راگەیاندنی بەڕێوبەرایەتی گشتی پەروەردەی گەرمیان، بۆ رادیۆی دەنگ باسی لەوەکرد: لە سنوری گەرمیان ١٢٥ قوتابخانەمان پێویستی بە نۆژەنکردنەوە هەیە.

وتیشی: ئەمەش دابەش بون بەسەر سێ تایپدا، تایپی ئەی ئەو قوتابخانانەن کە مەترسیان لەسەر نییە، تایپی بی ئەو قوتابخانانەن کە پێویستیان بە نۆژەنکردنەوە هەیە بەپێی پێویستی و مەترسی لەسەر نییە کە تێیدا بخوێندرێت.

هێمای بۆ ئەوەشکرد: هەرچی تایپی سییە ئەو قوتابخانانەن کە پێویستیان بە دوبارە بونیادنانەوە هەیە کە ژمارەیان ١١ دانەن و مەترسی هەیە کە تێیاندا بخوێندرێت.

جەختی لەوەشکردەوە: هەمو ئەمانە پێویستیان بە بودجەیە، بەتایبەت ئەوانەی کە پێویستیان بە دوبارە بونیادنانەوە هەیە.