رادیۆی دەنگ

بەڕێوبەرایەتی کارەبای گەرمیان دەڵێت، بۆ ئەوەی بتوانین باڵانسی پێدانی کارەبا لە سنورەکە رابگرین، گەرمیانمان کردوە بە ٣ زۆنە، کە زۆنێکی تایبەتە بە قەزای کەلار.

حازم کەریم، بەڕێوبەری گشتی کارەبای گەرمیان، بۆ رادیۆی دەنگ باسی لەوەکرد: بۆ ئەوەی بتوانین باڵانس رابگرین لە پێدانی کاتژمێرەکانی کارەبای نیشتیمانی، گەرمیانمان کردوە بە ٣ زۆنەوە.

وتیشی: زۆنێکمان تایبەت کردوە بە قەزای کەلار، هاوکات زۆنێکیش تایبەتە بە ناحیەکان و گوندەکان، زۆنێکیش بۆ قەزاکانی کفری و رزگاریی.

دەشڵێت: لە ئێستادا ئاستی بەرهەمهێنان کەمبوەتەوە بەکاریگەریی لێکەوتەکانی جەنگی ئێران و ئەمەریکا، بەشی گەرمیان دابەزیوە بۆ ١٠٥ مێگاواتی رۆژانە، هەندێکجار ئەو بڕە کارەبایە تەنها بەشی زۆنێک بۆ زۆن و نیوێک دەکات، ئەمەش وایکردوە کاتژمێرەکانی کارەبا کەم ببێتەوە.