رادیۆی دەنگ

بەهۆی لێسەندنەوەی ئۆتۆمبێلێکی هاتوچۆ کارەکانی لیژنەی ئەمنی قەزای کفری وەستاندوە، هاتوچۆی گەرمیانیش لەبارەی بابەتەکەوە رونکردنەوە دەدات.

لیژنەیەکی ئەمنی بۆ دەستبەسەرداگرتنی ئەو ئۆتۆمبێل و ماتۆڕسکیلانەی سەرپێچی دەکەن پێکهاتوە بەهاوبەشی فەرمانگەکان، بەڵام لە ئێستادا لەلایەن هاتوچۆی گەرمیانەوە ئۆتۆمبێلی هاتوچۆ لەلیژنەکە سەنراوەتەوە و کارەکانی لیژنەکە پەکی کەوتوە.

سامان عەلی، وتەبێژی هاتوچۆی گەرمیان بۆ رادیۆی دەنگ وتی: لەبەر ئەوەی ئۆتۆمبێلەکانی نێو بەڕێوەبەرایەتی هاتوچۆی گەرمیان کۆن بون و ئێمەش پێویستیمان بە ئۆتۆمبێلە بۆ راپەراندنی هەندێک کاری نێو بەڕێوبەرایەتی، ئۆتۆمبێلەکەمان وەرگرتوەتەوە.

وتیشی: داوای ئۆتۆمبێلی نوێمان کردوە، هەرکات ئۆتۆمبێلی نوێمان بۆ هات، ئەم ئۆتۆمبێلە دەگەڕێننەوە بۆ لیژنەی ئەمنی کفری.

دەشڵێت: ئۆتۆمبێلەکە نیسان ئێکسترایە، نەک پیکاب، بۆیە پێویستیمان پێییەتی بۆ کاری بەڕێوبەرایەتی.