رادیۆی دەنگ

ئه‌و فه‌رمانبه‌رانه‌ى كه‌ له‌ قه‌زاى كفرى و له‌ ناوچه‌ى قه‌سابخانه‌كه‌ زه‌ویان وه‌رگرتوه‌ ناڕه‌زایه‌تى ده‌رده‌بڕن به‌وه‌ى شوێنەکە هی‌ نیشته‌جێبون نیه‌، شاره‌وانى قه‌زاكه‌ش ئه‌وه‌ ره‌ت ده‌كاته‌وه‌ و ده‌ڵێت: هیچ كێشه‌یه‌كى نییە‌.

ئه‌و فه‌رمانبه‌رانه‌ى كه‌ له‌ زۆنى قه‌سابخانه‌كه‌ له‌ قه‌زاى كفرى زه‌وییان وه‌رگرتوه‌ ناڕه‌زایه‌تى ده‌رده‌بڕن به‌وه‌ى كه‌ ئه‌و سنوره‌ شوێنى نیشته‌جێبون نیه‌ و پێویسته‌ بگۆڕدرێت. بەو هۆیەشەوە فەرمانبەرێک سکاڵای لە دادگا تۆمارکردوە.

له‌به‌رامبه‌ردا، عه‌لى خورشید سه‌رۆكى شاره‌وانى قه‌زاى كفرى، بۆ رادیۆى ده‌نگ وتى: ئه‌و زه‌وییه‌ هیچ كێشه‌یه‌كى نییە ە گونجاوه‌ بۆ شوێنى نیشته‌جێبون، ته‌نانه‌ت نزیكه‌ له‌ گه‌ڕه‌كه‌كانى قه‌زاكه‌وه‌.

ده‌شڵێت: ئه‌وه‌ى كه‌ دروستكراوه‌ وه‌ك زه‌وییه‌كه‌ كێشه‌ نیه‌، به‌ڵكو كێشه‌ نرخه‌كه‌یه‌تى كه‌ ره‌نگه‌ كه‌متر بێت له‌ چاو زۆنێكى تر، ئه‌مه‌ش له‌ ده‌سه‌ڵاتى ئێمه‌دا نیه‌ و شوێنێكمان نیه‌ هه‌موى به‌یه‌كه‌وه‌ دابه‌شبكرێت.

جه‌ختى له‌وه‌شكرده‌وه‌: له‌ دەسەڵاتی شاره‌وانییدا نییە كه‌ ئاڵوگۆڕى زه‌وى بكرێت، هیچ رێنماییه‌كمان نیه‌ بۆ ئه‌و مه‌به‌سته‌.