وابڕیابو دوكانى پیشه‌وه‌ره‌كانى قه‌زای رزگاریی بگوازرێنه‌وه بۆ ناوچه‌ى پیشه‌سازى نوێ، به‌ڵام تاوەکو ئێستا نه‌گوازراونه‌ته‌وه، سه‌رۆكى شاره‌وانى قه‌زاكه‌ش ده‌ڵێت: هۆكاره‌كه‌ى ئه‌وه‌یه كۆمپانیا هیچ خزمه‌تگوزارییه‌كى لە پرۆژەکەدا جێبەجێ نه‌كردوه.
ناوچەی پیشەسازیی نوێی رزگاریی، بڕیاربو لەلایەن وەبەرهێنەرێکەوە دروستبکرێت و پاش تەواوکردنی خزمەتگوزارییەکانی، پیشەوەرانی ناوچەی کۆنی پیشەسازیی قەزاکەی بۆ بگوێزرێتەوە کە ژمارەیان ١٠١ پیشەوەرە.
لەوبارەیەوە، ئه‌رسه‌لان ئه‌حمه‌د، سه‌رۆكى شاره‌وانى رزگارىی، بۆ رادیۆى ده‌نگ باسى له‌وه‌كرد: تائێستا نه‌مانتوانیوه ئه‌و شوێنكارانه بگوازینه‌وه، هۆكاره‌كه‌یشى ئه‌وه‌یه ئه‌و زه‌وییه‌ى كه دراوه به كۆمپانیا، ده‌بو له‌به‌رامبه‌ردا هه‌مو خزمه‌تگوزارییه‌كانى وه‌ك ئاو و ئاوه‌ڕۆ و رێگاوبانى نێو پرۆژه‌كه ئه‌نجامبدات، به‌ڵام تاوه‌كو ئێستا كۆمپانیا وه‌كپێویست به‌ده‌مه‌وه نه‌هاتوه بۆ ئەو بڕگە خزمەتگوزارییانە.
باسى له‌وه‌شكرد: به‌وهۆیه‌وه ئێمه‌ش ناتوانین ئه‌و پیشەوەرانە بگوازینه‌وه، هەربۆیه له شوێنى خۆیان ماونه‌ته‌وه و سه‌رقاڵى كارى خۆیانن.
جه‌ختى له‌وه‌شكرده‌وه: چه‌ند جارێك كۆمپانیاکەمان بانگكردوه بۆ ئه‌و مه‌به‌سته، به‌ڵام ئەوان پێیان وتوین كه پاره‌یان له‌به‌رده‌ستدا نیه و وه‌به‌رهێنان وه‌ك پێشتر نیه، بۆیه ناتوانن ئەو بڕگانە جێبەجێ بکەن، له كاتێكدا كه زه‌وى راده‌ستی کۆمپانیاکە كرا، یه‌كێك له مه‌رجه‌كان به‌سه‌ریدا سه‌پێنراوه ئه‌وه‌یه ئه‌و خزمه‌تگوزارییانه ئه‌نجام بدات.
- دوایین بابەتەکان
-
هەواڵشارەزایەکی پەروەردە لە گەرمیان: پێویستە جگەرەکێشانی مامۆستایان لە ناوەندەکانی خوێندن قەدەغەبکرێت
-
-
هەواڵكەمبونەوەی پارەی وردە کێشەی لە بازاڕدا دروستکردوە
-
-
هەواڵکارکردن لەو قوتابخانەیە دەستپێدەکاتەوە کە ١٢ ساڵە کارەکانی راگیراوە
-
-
هەواڵدواین زانیاریی لەسەر کردنەوەی ناوەندی تۆمارکردنی کارتی نیشتمانی لە گەرمیان
-
-
هەواڵدۆسییەی نەخۆشخانە ١٠٠ قەرەوێڵەییەکەی کەلار لەجێی خۆی ماوەتەوە
-
