دوای نزیکەی ٩ مانگ لە بەقەزابونی، تائێستا فەرمانگەكانی رزگاریی نەبون بە بەڕێوبەرایەتی و دەسەڵاتەکانیان بە سنورداریی ماوەتەوە، قایمقامی قەزاکەش هۆکارەکەی بۆ دۆخی حوکمڕانی دەگەڕێنێتەوە.

قەزای رزگاریی، لە مانگی ئەیلولی ساڵی پار لە ناحییەوە کرا بە قەزا، بەڵام تائێستا فەرمانگە حکومییەکانی، بەش و فەرمانگەی بچوکن کە دەسەڵاتیان دیارییکراوە.

لەوبارەیەوە، جەمال ساڵح، قایمقامی قەزای رزگاریی، بۆ رادیۆی دەنگ وتی: هێشتا فەرمانگەكان نەبون بە بەڕێوبەرایەتی و وەکو سەردەمی ناحییە ماونەتەوە، تەنانەت خۆشم هێشتا بە فەرمی فەرمانی جێگیركردنی پۆستەکەم بۆ دەرنەچوە.

وتیشی: هۆكاری ئەمەش بونی فەراغی حكومەتە، چونكە بەهۆی ئەوەی پەرلەمان کارا نییە و حکومەت کاربەڕێکەرە، بۆیە ئەمەش وایكردوە هێشتا ئەم هەنگاوانەش جێبەجێ نەكرێن.