نرخی بانزین لە بانزینخانەکانی گەرمیان ٥۰ بۆ ۱۰ دینار گرانتر بوە، بەرپرسێکیش دەڵێت: ئەو بانزینەی هەیە بازرگانییە و حکومەت پاڵپشتیی ناکات.

بەپێی بەدواداچونێکی رادیۆی دەنگ، نرخی بانزین لە گەرمیان بەرز بوەتەوە، بە جۆرێک بۆ هەر لیترێک بانزینی نۆرماڵ و موحەسەن و سوپەر، ٥٠ بۆ ١٠٠ دیناری رۆشتوەتەسەر.

لەمبارەیەوە، یادگار فەتاح، بەڕێوبەری بەڕێوبەرایەتی نەوت و کانزاکانی گەرمیان بۆ رادیۆی دەنگ باسی لەوەکرد: ئەو بانزینەی لە گەرمیاندا هەیە هەموی بازرگانیە و حکومەت هیچ بانزینێکی نییە کە بە نرخی کەمتر و پاڵپشتیکراو بیفرۆشێتە هاوڵاتیان.

دەشڵێت: ئەرکی ئێمەش تەنها چاودێریکردنە لەڕوی کوالێتییەوە، ئەویش بە ئەنجامدانی پشکنینی بەردەوام و رۆژانە.

جەختی لەوەشکردوە: لەبارەی گرانکردنی نرخ و چاودێرییەوە، بەڕێوبەرایەتی چاودێریی بازرگانی دەتوانێت بەدواداچون بکات.