رێكاره‌كانى تاپۆكردنى زه‌وى زیندانیانى سیاسى له‌كه‌لار گه‌یشتوه‌ته‌ قۆناغى كۆتایی، بەڕێوبەری تاپۆى گه‌رمیانیش ده‌ڵێت: رێكاره‌ هونه‌رییه‌كان ته‌واو بوه‌ له‌ ئێستاداسه‌رقاڵى تۆماركردنی موڵكه‌كه‌ین به‌ناوى شاره‌وانیه‌وه‌.

ئه‌كرەم ره‌زا، به‌ڕێوبه‌رى بەڕێوبەرایەتی تۆماری خانوبەرە "تاپۆ"ـى گه‌رمیان، بۆ رادیۆى ده‌نگ وتى: زه‌وى زیندانیانى سیاسى له‌كه‌لار هه‌مو رێكاره‌ هونه‌رییه‌كانى ته‌واو بوه‌، له‌ ئێستادا سه‌رقاڵى تۆماركردنى موڵكه‌كه‌ین به‌ناوی شاره‌وانیه‌وه‌ كه‌ زیاتره‌ له‌ 2 هه‌زار پارچه‌ زه‌وییە.

ده‌شڵێت: پاشان وێنه‌ى تۆمارى ئه‌و زه‌ویانه‌ ده‌نێرینه‌وه‌ بۆ شاره‌وانى كه‌لار و له‌وێشه‌وه‌ هاوپێچى سه‌رجه‌م مامه‌ڵه‌كان ده‌كرێت و ده‌نێردرێته‌وه‌ بۆ تاپۆ، بۆ ئه‌وه‌ى لە هەنگاوی دواتردا بكرێت به‌ ناوی سودمه‌ندبوانه‌وه‌.