رادیۆی دەنگ

بەتۆمەتی جۆراوجۆر، ۹ کەس لە گەرمیان دەستگیرکراون، بەڕێوبەرایەتی پۆلیسی گەرمیان وردەکاریی تۆمەتەکان دەخاتەڕو.

بەپێی زانیارییەکانی رادیۆی دەنگ، پێشتر ٤ کەس دەستگیرکراون و ئێستاش ٥ کەس، واتا بەکۆی گشتی ۹ کەس دەستگیرکراون.

ئەو کەسانەی دەستگیرکراون، تۆمەتەکانی: دزیکردن، تەقەکردن، هەڕەشەکردن و چەند تۆمەتێکی دیکەیان دراوەتەپاڵ.

عەقید سۆران محەمەد غەریب، وتەبێژی بەڕێوبەرایەتی پۆلیسی گەرمیان، بۆ رادیۆی دەنگ جەختی لە هەواڵەکە کردەوە و وتی: پێشوتر ٤ کەس دەستگیرکراون و لەم دو رۆژەی رابردوشدا ٥ کەسی تر، تەواوی ئەو کەسانە بە تۆمەتی جۆراوجۆر دەستگیرکراون و لەئێستادا بە فەرمانی دادوەر لەژێر لێکۆڵینەوەدان.

وتیشی: تۆمەتەکان تەقەکردن لەبەردەم دادگای تاوانەکان و تەقەکردن لە کافتریایەک و چەند تاوانێکی تریان لەنێودایە.

دەشڵێت: هاوکات دو لەوانەش بە تۆمەتی داڵدەدانی تۆمەتبارانی دیکە دەستگیرکراون.