رادیۆی دەنگ

وابڕیاربو له‌سه‌ره‌تاى ئه‌م مانگه‌وه‌ پرۆژه‌ى روناكى له‌ گه‌رمیان جێبه‌جێ بكرایه‌، كاره‌باى گه‌رمیانیش ده‌ڵێت: له‌ وه‌زاره‌ته‌وه‌ پێمان راگه‌یەنراوە له‌ پێش 15ـی ئه‌م مانگه‌ پرۆژه‌كه‌ جێبه‌جێ ده‌كرێت.

حازم كه‌ریم، به‌ڕێوبه‌رى گشتى كاره‌باى گه‌رمیان، بۆ رادیۆى ده‌نگ باسى له‌وه‌كرد: بڕیاربو پرۆژه‌ى روناكى له‌ ده‌ستپێکی ئه‌م مانگه‌وه‌ له‌ سنوره‌كه‌ جێبه‌جێ بكرایه‌، به‌ڵام گرفتى كه‌مى غاز وایكردوه‌ دوابكه‌وێت.

ده‌شڵێت: به‌پێى وته‌ى وه‌زاره‌تمان، بڕیاره‌ له‌ پێش 15ـی ئەم مانگە پرۆژه‌كه‌ له‌ سنورى گه‌رمیان بڕواته‌ بوارى جێبه‌جێكردنه‌وه‌.

جه‌ختى له‌وه‌شكرده‌وه‌: وه‌ك كاره‌باى گه‌رمیان هه‌مو ئاماده‌كارییه‌كمان كردوه‌ له‌قه‌زاكانى كه‌لار و كفرى و رزگارى بۆ ئه‌وه‌ى پرۆژه‌كه‌ ده‌ستپێبكات.

پرۆژەی روناکی بریتییە لە دابینکردنی کارەبای نیشتمانی بەشێوەی بەردەوام (٢٤ سەعاتی) و لە زۆربەی ناوچەکانی هەرێم چوەتە بواری جێبەجێکردنەوە.