کارکردن لە پڕۆژەی مۆنۆمێنتی ئەنفال لە گەرمیان بەردەوامە و تائێستا ٣٥٪ـی کارەکانی تەواو بوە، ئەمەش بە وتەی بەڕێوبەری گشتی شەهیدان و ئەنفالکراوانی گەرمیان.

جەبار عومەر، لە لێدوانێکی تایبەتدا بۆ رادیۆی دەنگ رایگەیاند: پڕۆژەکە بە شێوەیەکی رێکخراو کاری تێدا دەکرێت و تا ئێستا زیاتر لە ٣٥ لە سەدی کارەکانی تەواو بوە.

ئەم پڕۆژە نیشتمانییە کە دەکەوێتە مەزاری ئەنفالکراوان لە گوندی دێبنە، بە گوژمەی یەک ملیار و ٤٠٠ ملیۆن دینار لەلایەن حکومەتی هەرێمی کوردستانەوە تەرخان کراوە.

بڕیارە مۆنۆمێنتەکە ببێتە ناوەندێکی دۆکیۆمێنتاری و مێژویی بۆ ناساندنی تاوانەکانی دژ بە گەلی کورد بە نەوەکانی داهاتو و گەشتیاران.

بەڕێوبەری شەهیدانی گەرمیان، جەختی لەوەشکردەوە کە سەرەڕای قەیرانی دارایی، هەوڵیانداوە کارەکانی پڕۆژەکە نەوەستێت و دەیانەوێت لەکاتی دیاریکراوی خۆیدا تەواو بکرێت.