رادیۆی دەنگ

پەروەردەی گەرمیان ئاشکرای دەکات لە سنورەکەدا ٧٥ قوتابخانە پێویستیان بە نۆژەنکردنەوە هەیە، لەو ژمارەیەش هەندێکیان نۆژەنکردنەوەیان دەستیپێکردوە.

ئەرسەلان پەرۆش، بەرپرسی بەشی راگەیاندنی بەڕێوەبەرایەتی گشتی پەروەردەی گەرمیان، بۆ رادیۆی دەنگ وتی: ٧٥ قوتابخانە لە سنوری هەرسێ قەزای کەلار، کفری و رزگاریی و ناحییەکانیان، پێویستیان بە نۆژەنكردنەوەیە، لەئێستادا کارکردن لە ٨ قوتابخانەیان دەستیپێکردوە.

سەبارەت بە قوتابخانەکانی دیکەش، رایگەیاند: بەهۆی بەردەوامیی دەوامی فەرمی و تاقیکردنەوەکانەوە، پرۆسەی نۆژەنکردنەوەیان بۆ دوای پشوی هاوین دواخراوە.

ئەوەشی رونکردەوە بودجەی پێویست بۆ نۆژەنکردنەوەی ئەو قوتابخانانە لەلایەن بەڕێوەبەرایەتی گشتی پەروەردەی گەرمیانەوە دابین دەکرێت.