رادیۆی دەنگ

وه‌رزى دروێنه‌ له‌ گه‌رمیان ده‌ستیپێكردوه‌ و تاوه‌كو ئێستاش نرخى كاتژمێره‌كانى كاركردنى ده‌ڕاسه‌ له‌ سنوره‌كه‌ دیاریینه‌كراوه‌، كشتوكاڵى گه‌رمیانیش ده‌ڵێت: چاوه‌ڕوانى ئیداره‌ى گه‌رمیانین.

ئیسماعیل محه‌مه‌د، به‌ڕێوبه‌رى به‌شى خزمه‌تگوزاریی كشتوكاڵیی له‌ به‌ڕێوبه‌رایه‌تى گشتى كشتوكاڵى گه‌رمیان، بۆ رادیۆى ده‌نگ باسى له‌وه‌كرد: نوسراومان كردوه‌ بۆ ئیداره‌ى گه‌رمیان بۆ ئه‌وه‌ى كۆبونه‌وه‌یه‌كى تایبه‌ت ئه‌نجامبدات به‌ ئاماده‌بونى لایه‌نه‌ په‌یوه‌ندیداره‌كان به‌مه‌به‌ستى دیاریكردنى نرخى كاتژمێره‌كانى كاركردنى ده‌ڕاسه‌.

ده‌شڵێت: له‌ ئێستادا چاوه‌ڕوانى ئیداره‌ى گه‌رمیانین، ره‌نگه‌ له‌ یه‌ك دو رۆژى داهاتو ئه‌و كۆبونه‌وه‌یه‌ ئه‌نجامبدرێت و نرخ دیاریی بكرێت.