سامان ئەحمەد، بە رادیۆی دەنگی وت: لیژنەكەی ئێمە تایبەتە بە جەردكردنی ناوی ئەو جوتیارانەی كە قەرەبو دەكرێنەوە لە بەرامبەر ئەوەی زەویەكانیان بەر ئەو زۆنانە دەکەوێت کە دانراون بدرێن بە فەرمانبەران.

وتیشی: بەڵام جوتیاران وەكپێویست نایەن بە دەم جەردەكەوە و دڵنیاییان دەوێت كە ئایا جێگای زەویەكانیان و بڕی قەرەبوەكە چەندە، كە ئەمەش لیژنەكەی ئێمە دیاری ناكات و کاری ئێمە تەنها جەردکردنە.

باسیلەوەشكرد: ئەم بەدەمەوەنەهاتنەی جوتیاران، هۆكارێكە كە كارەكانی دابەشکردنی زەوی فەرمانبەران وەكپێویست خێرا نەبێت و بە خاویی بڕوات.