رادیۆی دەنگ

تاوه‌كو ئێستا ده‌ست به‌ دابه‌شكردنى پاره‌ى مامۆستایانی چاودێری هۆڵەکانی تاقیكردنه‌وه‌ی وەزاریی نه‌كراوه‌، په‌روه‌رده‌ى گه‌رمیانیش ده‌ڵێت: له‌ ئه‌مڕۆوه‌ ده‌ست به‌ دابه‌شكردنى ده‌كرێت.

ئه‌رسه‌لان په‌رۆش، به‌رپرسى به‌شى راگه‌یاندنى به‌ڕێوبه‌رایه‌تى گشتى په‌روه‌رده‌ى گه‌رمیان، بۆ رادیۆى ده‌نگ وتى: پاره‌ى مامۆستایانی چاودێری هه‌ردو خولی هۆڵى تاقیكردنه‌وه‌ى وەزاریی بۆ قۆناغى 12ـی ئامادهی‌ى و 9ـی بنه‌ڕه‌تیی له‌ ئه‌مرۆوه‌ ده‌ست به‌ دابه‌شكردنى ده‌كرێت له‌ هه‌ر سێ به‌ڕێوبه‌رایه‌تیه‌كانى سەر بە بەڕێوبەرایەتی گشتی په‌روه‌رده‌ی گەرمیان.

هێماى بۆ ئه‌وه‌شكردوه‌: پاره‌ى پێویست به‌رده‌سته‌ و هیچ گرفتێك نیه‌.

جه‌ختى له‌وه‌شكرده‌وه‌: ئه‌مه‌ له‌ كاتێكدایه‌ له‌ هیچ به‌ڕێوبه‌رایه‌تیه‌كى گشتى په‌روه‌رده‌ ئه‌و پاره‌یه‌ خه‌رج نه‌كراوه‌ ته‌نها گه‌رمیان نه‌بێت، ئه‌مه‌ش به‌ هه‌وڵى به‌ڕێوبه‌رایەتی گشتیمان بوه‌.