رادیۆی دەنگ

بەهۆی لافاوەوە سێ پرد و ئاوبارە لەگەرمیان توشی زیان بون، بەڕێوبەری رێگاوبانی گەرمیانیش دەڵێت: زیانی مادی ئەو پردانە خۆی لە زیاتر لە 5 ملیار دینار دەبینێتەوە.

عەدنان خەلیل، بەڕێوبەری بەڕێوبەرایەتی رێگاوبانی گەرمیان بۆ رادیۆی دەنگ باسی لەوەکرد: بەهۆی لافاوەوە پردی قەڵا تەبزان روخاوە زیانیش بەر پردی ئیبراهیم خان و ئاوبارەی گوندی سەیدە کەوتوە.

دەشڵێت: پردی قەڵا تەبزان کە روخاوە خۆی سەروی 5 ملیار دیناری پێویست بو کاتی خۆی، بەڵام پێویست بە دروستکردنەوەی ناکات، چونکە رێگای نوێ هەیە.

هێمای بۆ ئەوەشکرد: بەڵام پردی ئیبراهیم خان و ئاوبارەی گوندی سەیدە پێویستیان بە نزیکەی 500 ملیۆن دینار هەیە بۆ ئەوەی چاک بکرێنەوە.

وتیشی: زیانی دیکەمان هەیە، بەڵام بچوکن و نەبون بە گرفت.