رادیۆی دەنگ

دوای ئەوەی بڕیاردرا ٢٠٠ هێڵی نوێی ناوخۆیی بدرێت بە شۆفێرانی كەلار، بەڕێوبەرایەتی گواستنەوەی سنورەكە دەڵێت: چاوەڕێی هاتوچۆی گەرمیانین.

ئیدریس مستەفا، بەڕێوبەری بەڕێوبەرایەتی گواستنەوەی گەرمیان، بە رادیۆی دەنگی راگەیاند: لیستی ئۆتۆمبێلە بێ هێڵەكانمان ناردوە بۆ بەڕێوبەرایەتی هاتوچۆی گەرمیان بۆ بەڕادكردنی ئۆتۆمبێلەكان بۆ ئەوەی بەپێی دروستییان جیابكرێنەوە.

دەشڵێت: لە دوای گەڕاندنەوەی لیستەكە دەستدەكەین بە كارەكانی دابەشكردنی هێڵە ناوخۆییەکان بەسەریان.

پێشتر سەرۆکی لقی گەرمیانی سەندیکای کرێکارانی کوردستان، لە لێدوانێکیدا بۆ رادیۆی دەنگ، رایگەیاند: هێڵە ناوخۆییەکان بۆ ئەو سیتی و ناوچانەیە کە رێژەیەکی زۆری دانیشتوانیان تێدایە، بە تایبەتی گەرەکەکانی (بامۆک، مامۆستایان و لانە سیتی).