رادیۆی ده‌نگ

گرفتێكی هونەریی كارەكانی زەوی فەرمانبەرانی قەزای رزگاریی دواخستوە، شارەوانی قەزاكەش دەڵێت: لە هەوڵی چارەسەركردنی گرفتەكەداین.

ئەرسەلان ئەحمەد، سەرۆكی شارەوانی رزگاریی، بە رادیۆی دەنگی وت: نەخشەی بەشی یەكەم و دوەمی زەوییەكانى فه‌رمانبه‌ران تەواوبون، بەڵام لە هەفتەی رابردودا لە كاتی دابەزاندنی نەخشەكەدا گرفتی هونەری دروستبوە و ئەندازیارەكان لە هەودان بۆ چارەسەركردنی گرفتەكە.

دەشڵێت: ئەو لیژنەیەی كە بەڕێوبەرایەتی گشتی شارەوانییەكانی گەرمیان و به‌ڕێوبه‌رایه‌تى نەخشە دانانی گەرمیانی تێدایە و سەرپەرشتی دابەزاندنی نەخشەكە دەكەن، لە دوای چارەسەركردنی گرفتەكە و هەركاتێك نەخشەكەیان دابەزاند و گرفتی نەبو، ئێمەش هەڵدەسین بەكارەكانی دابه‌شكردنى زەویی فەرمانبەران.