پاش بڵاوبونەوەی دەنگۆی گرانبونی خۆراک بەهۆی هێرشی ئەمەریکا و ئیسرائیل بۆ سەر ئێران، بەڕێوبەرایەتی چاودێریی بازرگانی گەرمیان دەڵێت: هیچ ترسێکی نییە و بەشی ٦ مانگ خۆراک لە گەرمیان هەیە.

حیکمەت ئەحمەد، بەڕێوبەری بەڕێوبەرایەتی چاودێریی بازرگانی گەرمیان، بە رادیۆی دەنگی راگەیاند: تاوەکو ئێستا هیچ شتێک لە گەرمیان گران نەبوە، داواکارین خەڵکیش بەهیچ شێوەیەک نەترسێت.

وتیشی: لە کۆگاکان و تەواوی مارکێت و بازاڕەکانی ناو شار و ناحییەکان، دەتوانم بڵێم بەشی نزیکەی ٦ مانگ خۆراکی کۆگاکراومان هەیە.

دەشڵێت: لیژنەکانمان بەردەوام دەگەڕێن، هەر دوکانێک بیەوێت ئیسغلالی خەڵک بکات و شت گران بکات، سزا دەدرێت.

داوای لەهاوڵاتیانیش کرد هەر بەرزکردنەوەیەکی نرخیان بینی، لیژنەکانیان ئاگادار بکەنەوە.