رادیۆی دەنگ

بەپێی وتەی کشتوکاڵی گەرمیان، مەترسی وشکەساڵیی لەناوچەکەدا رەویوەتەوە، بەڵام چاوەڕێی مانگی ٣ دەکرێت، ئەگەر بارانبارین تیایدا باش بێت پێشبینی بەرهەمی دانەوێڵەی باش دەكرێت.

ستار عەلی، وتەبێژی بەڕێوبەرایەتی گشتی كشتوكاڵی گەرمیان، بۆ رادیۆی دەنگ وتی: ئەم وەرزە بارانی زۆر باش باریوە بەراورد بە وەرزی رابردو.

وتیشی: بەڵام ئەم كەشە گەرمەی ئێستا داهاتوە نیگەرانیكردوین، بەوەی كە ئەگەر بەردەوابێت و لە مانگی داهاتودا (مانگی ئادار) باران نەبارێت، مەترسییەكە تێناپەڕێنین.

باسی لەوەشكرد: چونكە مانگی سێ كاتی گوڵكردنی دانەوێڵەیە و گرنگە باران ببارێت، ئەگەریش مانگەکە شەپۆلی بارانبارینی باشی تێدابێت، ئەوا پێشبینی بەرهەمی باشی دانەوێڵە دەكەین.