عەلی خورشید، سەرۆکی شارەوانی کفری، بۆ رادیۆی دەنگ باسی لەوەکرد: پرۆسەی دابەشکردنی زەوی دەستیپێنەکردوە، هۆکارەیشی بۆ ئەوە دەگەڕێتەوە سەرقاڵی وردبینیکردنی ئەو ناوانەین کە گەڕاونەتەوە.

وتیشی: زیاتر لە 3 هەزار ناو گەڕاونەتەوە و زۆرینەیان کێشەیان هەیە لە زانیارییە کەسییەکان، بۆیە ئێستا سەرقاڵی رێککردنەوەی ئەو بابەتەین.

هێمای بۆ ئەوەشکرد: زەوی تەرخانکراوە بۆ ئەو بابەتە و بەشێکیشی نەخشەی بۆ کراوە، بەشەکەی تریشی قەرەبوی جوتیاری تێکەوتوە و پێویستە قەرەبو بکرێنەوە، ئەوکات دەست بە رێکارەکان دەکرێت بۆ ئەو بەشەکەی تر.