رادیۆی دەنگ

تاوەکو ئێستا پەناگە بۆ سەگە بێلانەکانی گەرمیان دروستنەکراوە، ئیدارەی گەرمیانیش دەڵێت بودجەمان بۆ دیارییکردوە و چاوەڕێی رەزامەندیی ئەنجومەنی وەزیرانین.

حسێن شێرزاد، بەڕێوبەری کاروباری ناوخۆ لە ئیدارەی گەرمیان، کە سەرپەرشتی لیژنەیەکی تایبەتی ئیدارەکەی کرد بەمەبەستی دروستکردنی سەگی بێلانە، بۆ رادیۆی دەنگ وتی: پەناگەکە هەمو رێکارە ئیداریی و یاساییەکانی بڕیوە تەنانەت زەویشمان بۆ دیاریکردوە لە نزیک کەلار کە روبەرەکەی نزیکەی ٥ دۆنمە، ئەوەی ماوەتەوە تەرخانکردنی بودجەیە بۆی.

دەشڵێت: بۆ ئەوەی بتوانین ئەو پەناگەیە دروستبکەین، پێویستمان بە نزیکەی 150 ملیۆن دینارە، داوامان کردوە بۆمان دابینبکرێت، بەڵام بەهۆی نەبونی بودجەوە بابەتەکە تاوەکو ئێستا لە ئەنجومەنی وەزیرانە و رەزامەندی خەرجکردنەکەی نەگەڕاوەتەوە.