رادیۆی دەنگ

 

دواى ئه‌وه‌ى به‌شێك له‌ به‌شداربوانى پرۆژه‌ى نیشته‌جێبونى فه‌رمانبه‌ران له‌ كه‌لار گردبونه‌وه‌یان ئه‌نجامدا له‌به‌رامبه‌ر ئه‌وه‌ى پرۆژه‌كه‌یان ته‌واو نه‌كراوه‌، سه‌رپه‌رشتیارى پرۆژه‌كه‌ ده‌ڵێت: به‌شداربوان قیسته‌كانیان وه‌كپێویست نه‌داوه‌ و 25 ملیۆن دۆلارمان لەلایانە‌.

 

حه‌سه‌ن قادر، سه‌رپه‌رشتیارى پرۆژه‌ى نیشته‌جێبونى فه‌رمانبه‌ران له‌ كه‌لار كه‌ له‌لایه‌ن كۆمپانیاى سه‌گرمه‌وه‌ جێبه‌جێ ده‌كرێت، بۆ رادیۆى ده‌نگ وتى: پرۆژه‌كه‌ خۆى له‌ 1500 یه‌كه‌ ده‌بینێته‌وه‌ و هه‌یكه‌لینى ته‌واوى پرۆژه‌كه‌ش ته‌واو كراوه‌.

 

وتیشى: تاوه‌كو ئێستا ده‌بو به‌شداربوان 9 قیستیان راده‌ستى كۆمپانیا بكردایه‌، به‌ڵام زۆرینه‌یان چه‌ند قیستێكى كه‌میان داوه‌ ئه‌مه‌ش هۆكاربوه‌ بۆ ته‌واونه‌كردنى پرۆژه‌كه‌.

 

ده‌شڵێت: تاوه‌كو ئێستا 25 ملیۆن دۆلارمان له‌لاى به‌شداربوانه‌، ده‌توانین بڵێن %30ـی به‌شداربوان پابه‌ندبون به‌ پێدانى قیسته‌كانیانەوە.