وه‌زاره‌تى سامانه‌ سروشتیه‌كان به‌دواداچون بۆ كه‌رتى سوته‌مه‌نى له‌ گه‌رمیان ده‌كات

2021/02/27    1113 جار بینراوە
 
رادیۆى ده‌نگ
 
وه‌زاره‌تى سامانه‌ سروشتیه‌كان به‌دواداچون بۆ كه‌رتى سوته‌مه‌نى له‌ گه‌رمیان ده‌كات ئه‌وه‌ش له‌ رێگه‌ى راپۆرتێكى یه‌كه‌ى چاودێرى حكومه‌تى خۆجێی گه‌رمیانه‌وه‌ كه‌له‌سه‌ر ئه‌و كه‌رته‌ بڵاویكردوه‌ته‌وه‌.
 
پاش ئه‌وه‌ى یه‌كه‌ى چاودێرى حكومه‌تى خۆجێی گه‌رمیان راپۆرتێكى له‌باره‌ى كه‌رتى سوته‌مه‌نیه‌وه‌ له‌ گه‌رمیان بڵاوكرده‌وه‌ و دواتر راپۆرته‌كه‌ له‌ رێگه‌ى په‌رله‌مانه‌وه‌ ئاراسته‌ى ئه‌نجومه‌نى وه‌زیران كرا، ئه‌نجومه‌نى وه‌زیران وه‌زاره‌تى سامانه‌ سروشتیه‌كانى راسپاردوه‌ كه‌ به‌دواداچون بۆ ئه‌و راپۆرته‌ بكات.
 
یادگار فه‌تاح، به‌رێوبه‌رى نه‌وت و كانزاكانى گه‌رمیان به‌ رادیۆى ده‌نگى وت: راسپارده‌كانى راپۆرته‌كه‌ى یه‌كه‌ى چاودێرى له‌ رێگه‌ى وه‌زارته‌كه‌یانه‌وه‌ ئاراسته‌یان كراوه‌ و وه‌ڵامى وه‌زاره‌تى سامانه‌ سروشتیه‌كانیان داوه‌ته‌وه‌.
 
له‌ راپۆرته‌كه‌ى یه‌كه‌ى چاودێرى دا باس له‌ بابه‌تى رێكخستنه‌وه‌ى به‌نزینخانه‌كان و دروستكردنى كۆگاى سوته‌مه‌نى له‌ گه‌رمیان كراوه‌ له‌گه‌ڵ بونى به‌نزینى قاچاخ‌، هاوكات به‌دواداچون و لێكۆڵینه‌وه‌ى له‌باره‌ى كه‌رتى سوته‌مه‌نى له‌گه‌رمیان و دیارترین ئه‌و كێشانه‌ى هه‌یانه‌ له‌و کەرتەدا خراوه‌ته‌ رو.
 
 


Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,225,529     ژمارەی میوان 262