گه‌نجانى حزبه‌ سیاسیه‌كان له‌گه‌رمیان رۆڵیان چییه‌؟

8/9/2019 7    1408 جار بینراوە
 
رادیۆی ده‌نگ
 
له‌كه‌لار ژماره‌یه‌ك كادیری لایه‌نه‌ سیاسیه‌كان له‌باره‌ى رۆڵی گه‌نج له‌ كارى حزبایه‌تى دا و ئاله‌نگاریه‌كانى به‌رده‌م گه‌نجان له‌نێو حزب دا، گفتوگۆ ده‌كه‌ن.
 
یه‌كه‌ى رۆژنامه‌وانى مافه‌كانى مرۆڤ له‌ رادیۆی ده‌نگ، رۆژى پێنجشه‌مه‌ 8/8/2019، بازنه‌یه‌كى گفتوگۆی له‌ سه‌روبه‌ندى رۆژى جیهانى لاوان بۆ ژماره‌یه‌ك له‌ كادیری گه‌نجی حزبه‌ سیاسیه‌كان له‌ سنورى گه‌رمیان ئه‌نجامدا، له‌باره‌ى "رۆڵی گه‌نجان له‌ حزبه‌ سیاسیه‌كان دا".
 
له‌و گفتوگۆیه‌دا كه‌ دواتر پوخته‌كه‌ى به‌ راپۆرتێكى تایبه‌ت بڵاوده‌كرێته‌وه‌ و ئاراسته‌ى لایه‌نه‌ په‌یوه‌ندیداره‌كان ده‌كرێت، به‌شداران باسیان له‌ پێگه‌ و رۆڵی گه‌نجان كرد له‌ حزبه‌كانیان، هه‌روه‌ها ئه‌و گرفت و ئاسته‌نگانه‌شیان خسته‌ڕو كه‌ رێ له‌ به‌ره‌وپێشه‌وه‌چونى گه‌نجان له‌ حزبه‌كان دا ده‌گرێت.
 
هه‌روه‌ك تاوتوێی كۆمه‌ڵێك پێشنیاز و رێگه‌چاره‌ كرا كه‌ به‌شداران پێیانوابو به‌گرتنه‌به‌رى به‌شداریی گه‌نجان له‌ بڕیاری سیاسی دا به‌هێزتر ده‌كات.
 
 
 


Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,225,533     ژمارەی میوان 266