دوازده‌هه‌مین راپۆرتى مانگانه‌ى یه‌كه‌ى چاودێریی حكومه‌تى خۆجێی گه‌رمیان

2020/09/18    710 جار بینراوە
 
رادیۆی ده‌نگ
 
یه‌كه‌ى چاودێریی حكومه‌تى خۆجێی گه‌رمیان، دوازده‌هه‌مین راپۆرتى مانگانه‌ى بڵاوكرده‌وه‌ كه‌ تایبه‌ته‌ به‌ "كێشه‌ و گرفته‌كانى كانه‌كانى چه‌و و لم له‌سه‌ر روباری سیروان".
 
یه‌كه‌ى چاودێریی حكومه‌تى خۆجێی گه‌رمیان، یه‌كه‌یه‌كى به‌دواداچون و لێكۆڵینه‌وه‌ و چاودێریی رۆژنامه‌وانى سه‌ر به‌ رادیۆی ده‌نگه‌، به‌ پاڵپشتی سندوقی نیشتمانى بۆ دیموكراسی (NED) ئه‌مریكی، مانگانه‌ راپۆرتێكى ورد و به‌دواداچون له‌باره‌ى بابه‌ت یان پرسێكى په‌یوه‌ندیدار به‌ حكومه‌تى خۆجێی گه‌رمیان بڵاوده‌كاته‌وه‌، به‌ ئامانجی تیشكخستنه‌سه‌ر ئه‌و بواره‌ و زیادكردنى گرنگیپێدان پێی.
 
له‌ نوێترین راپۆرتى دا، یه‌كه‌كه‌ به‌دواداچونى كردوه‌ بۆ كێشه‌ى كانه‌كانى چه‌و و لم له‌سه‌ر روباری سیروان كه‌ به‌ "كارگه‌كانى غه‌ساله‌" له‌ناو هاوڵاتیان دا ناسراون‌، ئه‌مه‌ش هاوكات له‌گه‌ڵ ده‌ستپێكردنى هه‌ڵمه‌تێكى مه‌ده‌نی بۆ رێكخستنه‌وه‌ى كارى ئه‌و كارگانه‌ كه‌ به‌ تێكدانى رێڕه‌و و سروشت و ژینگه‌ى روباری سیروان تۆمه‌تبار ده‌كرێن.
 
له‌ راپۆرته‌كه‌دا له‌سه‌ر زاری: چالاكوان، پسپۆڕان، خاوه‌نكاره‌كان و ده‌زگا حكومیه‌ جیاوازه‌كانه‌وه‌، به‌دواداچون بۆ ئه‌م كێشه‌یه‌ كراوه‌ و هاوكات ئه‌و هه‌نگاوانه‌ش خراوه‌ته‌ڕو كه‌ حكومه‌ت له‌مڕوه‌وه‌ ناویه‌تى، ئه‌مه‌ جگه‌ له‌ خستنه‌ڕوى ژماره‌یه‌ك ده‌ره‌نجام و راسپارده‌، بۆ ئه‌وه‌ى حكومه‌تی خۆجێی گه‌رمیان كاریان له‌سه‌ر بكات.
 
كلیك لەم فایلەی خواره‌وه‌ بكه‌ بۆ خوێندنه‌وه‌ى راپۆرته‌کە.
 

فایلی پیدی ئێف

 

 
بۆ خوێندنه‌وه‌ى راپۆرته‌كانى ترى یه‌كه‌ى چاودێری حكومه‌تى خۆجێی گه‌رمیان، كلیك بكه‌.
 
 
 


Radiodeng.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 3,885,353     ژمارەی میوان 9