ئەنجامی راپرسیەکەی رادیۆی دەنگ بۆ رێژەی دەنگی لیستە کوردیەکان لەهەڵبژاردن

4/14/2018    581 جار بینراوە
رادیۆی دەنگ 
 
بەپێی راپرسیەکی یەکەی هەڵبژاردنی رادیۆی دەنگ کە بۆ ماوەی دە رۆژ بەردەوام بو بزوتنەوەی گۆڕان پلەی یەکەمی بەدەست ھێنا.
 
لە راپرسیەکەدا 8671 کەس دەنگی داوە، و بزوتنەوەی گۆڕان (3322)دەنگی بەدەستهێناوە کە دەکاتە ریژەی 36.38٪‏  پلەی یەکەمی دەنگەکانی بەدەست ھێناوە، بە دوای ئەویشدا یەکێتی نیشتمانی کوردستان 3044 دەنگی هێناوە کە دەکاتە 35.11٪ پلەی دوەمی بەدەست ھێناوە.
 
هەرچی  پارتی دیموکراتی کوردستانیش بە 970 دەنگ کە دەکاتە 11.19٪ پلەی سێیەمی بەدەست ھێناوە، ھاوپەیمانی بۆ دیموکراسی ودادپەروەریە بە 653 دەنگ، رێژەی 7.5٪  پلەی چوارەمی بەدەست ھێناوە، بەدوای ئەیشدا نەوەی نوێ و یەکگرتوی ئیسلامی و کۆمەڵی ئیسلامی دێت لە پلەی کۆتایدایە.
 
محەمەد رەحیم بەرپرسی یەکەی ھەڵبژاردنی رادیۆی دەنگ کە سەرپەرشتی راپرسیەکەی کردوە رایگەیاند: راپرسیەکەی بۆ ماوەی 10 رۆژ لەسەر وێب سایتی رادیۆ بەردەوام بوە و هاوڵاتیان لەرێگەی مۆبایل و کۆمپیوتەرەکانیانەوە توانیویانە بەشداری بکەن و دەنگبدەن.
 
وتیشی: دەنگدانەکە بە جۆرێک بوە کە هەموو ئامێرێک تەنها یەکجار بۆی هەبێت دەنگ بدات ئەویش لەڕێگەی ئایپی ئامێرەکانیانەوە رێگری لە دەنگی دوبارە کردوە ھەوڵی تەواومانداوە راپرسیەکە بە بێگەردی ئەنجامبدرێت.
 
- ئەنجامی راپرسییەکە:
 
پرسیار/ بۆ هەڵبژاردنی پەرلەمانی عێراق دەنگ بەکام لەم لیستانە دەدەیت ؟ 

ڕێژه‌ی ده‌نگه‌كان

كیانی سیاسی ژماره‌ی ده‌نگ‌ ‌‌رێژه‌ی سه‌دی ده‌نگ
    پارتی دیموکراتی کوردستان         970          %11.1880    
    کۆمەڵی ئیسلامی کوردستان         137          %1.5802    
    بزوتنەوەی گۆڕان         3322          %38.3160    
    نەوەی نوێ         307          %3.5409    
    هاوپەیمانی بۆ دیموکراسی و دادپەروەری         653          %7.5317    
    یەکێتی نیشتمانی کوردستان         3044          %35.1096    
    یەکگرتوی ئیسلامی کوردستان         237          %2.7336    
    ژمارەی گشتی دەنگدەران 8671 %100

 

 



Radiodeng.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 3,816,020     ژمارەی میوان 5