ساڵیادی رۆژنامەی نەوژین کرایەوە

0000-00-00    1393 جار بینراوە

 

رادیۆی دەنگ

 

ئەمڕۆ ساڵێک تێدەپەڕێت بەسەر دەرچواندنی یەکەم ژمارەی رۆژنامەی نەوژین.

 

رۆژنامەی نەوژین لە بەرواری ٢٢ی ١٢ی ٢٠١٦ یەکەم ژمارەی لێبڵاوکرایەوە وەک رۆژنامەیەکی تایبەتمەند بە پرسەکانی ژنان لە گەرمیان.


ئەمڕۆش ٢٢ی ١٢ی ٢٠١٧، لە بینای رادیۆی دەنگ لە کەلار، مەراسیمێک بەبەشداری ستافی رۆژنامەکەو پرۆژەکانی رادیۆ بۆ ئەو یادە بەڕێوەچو.


لە مەراسیمەکەدا، ئازاد عوسمان، بەڕێوەبەری گشتی رادیۆی دەنگ، سوپاس و دەستخۆشی ئاراستەی ستافی رۆژنامەکە کرد کە لەخۆبردوانە لەم ساڵەدا کاریان کردوە. 


هیواشی خواست کە بەهەمان نەفەس درێژە بەکارەکانیان بدەن بەتایبەت کە ئێستا رۆژنامەکە یەکێکە لە بڵاوکراوە دیاریکراوەکانی بواری ژنان کە لە کوردستان دەردەچێت و بڵاو دەبێتەوە.


پاشان سەرگوڵ خەلیل، سەرپەرشتیاری رۆژنامەکە، لە وتەیەکدا پیرۆزبایی یادەکەی لە ئامادەبوان کرد. ئاماژەی بەوەکرد نەوژین خەونی ژمارەیەک کچی بەدیهێنا کە دەیانەویست لە بواری رۆژنامەوانی و خزمەتکردن بە پرسەکانی ژنان کار بکەن، هەروەک وتیشی کە رۆژنامەکە لەم ساڵەدا زۆر بابەت و پرس و کێشەی خستوەتە رو.


پاشان ژمارەیەک لە ئامادەبوان وتەو دەستخۆشیی خۆیان پێشکەش کرد.


رۆژنامەی نەوژین، مانگی جارێک لە گەرمیان و لەلایەن رادیۆی دەنگ و بە پاڵپشتی سندوقی نیشتمانی بۆ دیموکراسی ئەمریکی، بڵاودەبێتەوە.

 

 

 



Radiodeng.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 4,150,442     ژمارەی میوان 68